Инфлацијата во Германија се ближи до нулата | Економија | DW | 12.11.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Инфлацијата во Германија се ближи до нулата

Поради намалувањето на цените на бензините и маслото за греење, германските потрошувачи и‘ се радуваат на најниската стапка на инфлација во последните шест месеци.

Стоките и услугите во Германија, во октомври годинава биле поскапи за само 1,2% во споредба со истиот месец лани, соопшти Сојузниот завод за статистика во Визбаден. Тоа е најниска стапка на инфлација во последните шест месеци. Во септември, на пример, стапката на инфлација изнесува 1,4, а во јули 1,9 проценти.

Со тоа стапката на инфлација во Германија (1,2%) е значително под границата поставена од Европската централна банка, која при инфлација од 2 процента зборува за стабилни цени.

Цените на бензинот и дизелот во Германија се намалени за 6%, додека маслото за греење чини дури 10% поевтино. Наспроти тоа, цените на храната растат. Тие се повисоки за 4,2% во споредба со октомври 2012 година. Овошјето е поскапо 4%, зеленчукот 2,5%, млечните производи и јајцата дури 8,5%. Најголем раст на цените се забележува кај струјата, која е повисока за цели 11,5%.