1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Инспекторите од ОН во Сирија земале примероци за анализа на отровен гас

Тимот инспектори од ОН за хемиско оружје се врати во својот хотел во Дамаск, откако посети едно од местата на кои постојат сомневања дека е употребен боен отров за напад, информира новинската агенција Ројтерс.

Конвојот од шест возила бил во Моуадамија, предгарие на Дамаск, каде инспекторите посетиле и проверувале повредени лица, и земале примероци за анализа. Инспекторите оствариле и средба со доктори од Црвената полумесечина во тој дел од градот. Тоа го покажува и видео снимка објавена на интернет.

Syrien Tauben sind mutmaßlich von Giftgas getötet worden

Активистите од опозицијата како доказ за употреба на отровен гас го посочуваат и угинувањето на животните

„Инспекторите успеаја да влезат во предградието со цивилите, а го посетија и центарот на Црвената полумесечина, каде се сретнаа со докторите“, изјави преку Скајп за агенцијата АФП Абу Надим, активист од Дамаск. Тој додаде дека инспекторите носеле шлемови и панцири.

На патот кон предградието конвојот од ОН бил нападнат со снајперски истрели. Во инцидентот едно возило било сериозно оштетено, но никој од патниците во него не бил повреден. Опозициските активисти ги обвинија лицата блиски до претседателот Асад за пукањето кон конвојот со инспектори од ОН.

Сириските власти во саботата дадоа зелено светло за посета на земјата и истрага од страна на експертите од ОН. Одобрението стаса четири дена по обвинувањата дека властите извршиле напад со хемиско оружје врз опозициските групи, при што биле убиени стотици цивили. Мисијата на ОН има за задача да утврди дали нависитна било употребено хемиско оружје во нападот, но не и да констатира кој е одговорен за некој напад. Сириските власти ја отфрлаат одговорноста и ги обвинуваат опозициските бунтовници за користење на хемиско оружје.

Овој инцидент го подигна притисокот и обвинувањата што стигнуваат на адреса на претседателот Башар ал-Асад од страна на западните земји. Дел од нив се залагаат за воена интервенција во Сирија. Подвлекувајќи ги дипломатските потешкотии за постигнување меѓународен договор, француските власти оценија дека Русија и Кина веројатно ќе стават вето на обидот за напад на Асад. Велика Британија, пак, смета дека е невозможно да се одговори на нападот со хемиско оружје без да се има поддршка од Советот за безбедност.

Russland Außenminister Lawrow

Сергеј Лавров предупредува на кршење на меѓународното право

Рускиот министер за надворешни работи Сергеј Лавров ги нарече „хистерија“ извештаите за напад со хемиско оружје во Сирија. Тој смета дека инцидентот е предизвикан од бунтовниците.

„Многу аналитичари се прашуваат поради која причина сириската влада би користеле хемиско оружје во такви услови“, изјави Лавров.

Тој ги предупреди западните сили дека секоја воена интервенција во Сирија, без мандат од ОН, ќе биде прекршување на меѓународното право. Лавров рече дека Вашингтон и неговите сојузници ќе ги повторат „грешките од минатото“ ако интервенираат во Сирија.

И Италија денеска ги повика меѓународните партнери „да размислат илјадапати“ пред да стартуваат воена акција против Сирија. Министерката за надворешни работи Ема Бонино изјави дека „реперкусиите би можеле да бидат драматични“, нагласувајќи дека нападот не може да се направи без договор во Советот за безбедност на ОН. Таа побара од британските, француските, американските и израелските власти да ги споделат со ОН информациите што тврдат дека ги имаат, а се однесуваат на употреба на хемиско оружје од страна на сирискиот режим.