Имитатор на Елвис осомничен за „отровните писма“ | Свет | DW | 18.04.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Имитатор на Елвис осомничен за „отровните писма“

Два дена по терористичкиот напад во Бостон и отровните писма испратени во Вашингтон, меѓу кои едно адресирано на американскиот претседател Барак Обама, истрагата уапси еден осомничен маж.

Олеснување во Вашингтон: ФБИ уапси осомничен човек, кој пред неколку дена испратил отровни писма до американскиот претседател Барак Обама и еден сенатор. Писмата, кои според првичните тестови, биле третирани со смртоносната супстанција Рицин, биле откриени во поштата во Белата куќа и во Капитол. Случајот предизвика голема загриженост кратко по терористичкиот напад за време на Бостонскиот маратон, но според властите, не постои поврзаност меѓу двете криминални дела.

Во објавеното соопштение на ФБИ стои-уапсен е еден осомничен, Пол Кевин Кортис во неговиот стан во Коринт, американската сојузна држава Мисисипи. Неговиот град е оддалечен околу 80 километри од родниот град на сенаторот од Републиканската партија, Роџер Викер, до кого беше адресирано едно од отровните писма. Картис е осомничен за испраќање и на трето отровно писмо до неименуван правник, службеник во Мисисипи.

Од соопштението не произлегува како истрагатавлегла во трагата на осомничениот. Но, медиумите тврдат - Картис уште во првите моменти влегол во кругот на сомнителните, зашто повеќепати испраќал писма до Викер. Отровното писмо до Викер властите го откриле уште во вторникот, а вчера беше објавено и за она адресирано до американскиот претседател Барак Обама.

Пол Кевин Картис бил имитатор на познатиот пејач Елвис Присли и човек кој бил приврзаник на теории на заговор.