1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Израел ќе реши кога ќе ја запре војната

„Ние решаваме кога војната ќе заврши, а не меѓународната заедница“ - порача израелската министерка за надворешни работи Ципи Ливни по средбата со германскиот ресорен колега Франк Валтер Штајнмајер во Ерусалим.

default

Израелскиот и германскиот министер за надворешни работи, Ципи Ливни и Франк Валтер Штајнмајер во Ерусалим

Германскиот министер за надворешни работи Франк Валтер Штајнмајер по средбата со Ципи Ливни во Ерусалим изјави дека е неопходно трпеливо да се работи понатаму на склучување примирје помеѓу страните во конфликтот. Тој јавно посочи дека ја поддржува резолуцијата на Советот за безбедност на ОН, но во истовреме изрази и разбирање за израелската воена акција, која не дојде неочекувано. Ниту една влада на светот не може да прифати без одговор да гледа како некој стрела гранати врз нејзина територија, како што тоа го прави Хамас од Појасот на Газа, порача Штајнмајер.

Дотолку повеќе меѓународната заедница сега не смее да го остави Израел на цедило, туку треба да стори се’ посакуваното примирје да биде поврзано со зголемена безбедност на израелската држава. Во таа насока одат и напорите на Германија да му помогне на Египет да оствари подобра контрола на границата кон Појасот Газа, порача шефот на германската дипломатија, кој вчера на оваа тема опширно разговараше со претседателот на Египет, Хосни Мубарак. При тоа беше договорено наредните денови група германски експерти за безбедносни прашања да допатуваа во Египет и да им пружат техничка и советодавна помош на египетските колеги во прекинувањето на шверцот со оружје за палестинските радикали преку границата меѓу Египет и Појасот на Газа. Според извори во Министерството за внатрешни работи во Берлин, државен секретар од неговите редови уште денеска ќе отпатува за Каиро за да води прелиминарни разговори со египетските колеги.

DW.COM