1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Израел ослободи уште една група палестински затвореници

Израел во текот на ноќта (29/30.10) ослободи уште 26 палестински затвореници, во втората фаза од ограничената амнестија, чија цел е да се оствари напредок во мировните преговори со Палестинците.

Групата од 21 затвореник во текот на ноќта од затворот во Офер преку преминот Битунија ја примил претседателот на Палестинската самоуправа на Западниот брег (од реката Јордан) Махмуд Абас. Другата група од пет затвореници истовремено била ослободена во другата палестинска енклава, појасот Газа.

„Предавањето на затворениците беше проследено со безредија од палестинска страна. Како одговор на каменувањето, армијата употреби специјални средства“, изјави неименуван израелски извор. Сите освен еден затвореник минале од 19 до 28 години во израелските затвори и биле осуден на најмалку една доживотна казна за убиство на Израелец.

Станува збор за втората од вкупно четирите фази со кои во рок од девет месеци на слобода ќе бидат пуштени 104 Палестинци.

Palästinenser / Israel / Nahost / Freilassung von Häftlingen

Ослободени палестински затвореници

Нивното ослободување беше условот што Палестинците го поставија за обновување на мировните преговори со Израел. Преговорите беа повторно покренати од мртва точка во јули годинава со залагање на Вашингтон по тригодишниот застој.

По ослободувањето челникот на Палестинската самоуправа изјави дека Израел мора да ги ослободи сите Палестинци во неговите затвори, услов без кој тој нема да го потпише мировниот договор.

„Ние ќе продолжиме со нашите напори за ослободување на сите наши сограѓани кои се наоѓаат во израелските затвори, без оглед на должината на казната или фракцијата на којашто тие ѝ припаѓаат. Тие ќе се вратат во своите домови и нема да бидат испратени во егзил. Нема да го потпишеме договорот сѐ додека од израелските затвори не бидат ослободени сите наши борци за слобода“, изјавил Абас.