Иванов на средбата на балканските лидери во Брдо кај Крањ | Македонија | DW | 25.07.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Иванов на средбата на балканските лидери во Брдо кај Крањ

На средбата иницирана од претседателите на Хрватска и на Словенија, Иво Јосиповиќ и Борут Пахор, покрај нивните балкански колеги, како гостин ќе учествува и претседателот на Франција, Франсоа Оланд

default

Претседателот на Република Македонија, Ѓорге Иванов, денеска (25.07) во Брдо кај Крањ , ќе учествува на средбата на лидерите од Брдо процесот, неформална иницијатива за соработка меѓу земјите од регионот во контекст на аспирациите за членство во евроатлантските организации.

На средбата, на која ќе присуствува и францускиот претседател Франсоа Оланд, како и претставници на Европската унија, лидерите на државите од Брдо процесот ќе дебатираат за клучните проблеми и можностите на регионот за интеграција во ЕУ.

Претседателот Иванов ќе се обрати на пленарната сесија на состанокот, а предвидени се и повеќе билатерални средби со учесниците на Брдо процесот. На средбата, иницирана од претседателите на Словенија и на Хрватска, Борут Пахор и Иво Јосиповиќ, е најавено учество на претседателите на Албанија Бујар Нишани, на Косово - Атифете Јахјага, на Црна Гора - Филип Вујановиќ, на Србија - Томислав Николиќ, како и на членовите на Претседателството на Босна и Херцеговина -Жељко Комшиќ, Небојша Радмановиќ и Бакир Изетбеговиќ.

На состанокот во Брдо ќе учествува и македонскиот министер за надворешни работи Никола Попоски.