1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Зошто Езил носи „Адидас“, а не „Најки“?

Кога фудбалските ѕвезди почнуваат да носат други копачки, тоа не е прашање на модниот вкус. Зад таа одлука стојат огромни пари. Фудбалерот Езил за 25 милиони евра ја менува марката на својата „работна“ облека.

Фудбалерот на мадридски Реал и германски репрезентативец Месут Езил во иднина ќе носи артикли на „Адидас“, а не на „Најки“. Договорот е постигнат по долготрајни преговори. Договорот трае до 2020 година со опција да биде продолжен, а е тежок 25 милиони евра. Мустафа Езил, таткото на фудбалерот и негов менаџер вели дека е задоволен: „'Адидас' е број 1 во фудбалскиот свет и производот е со многу добар квалитет“.

Adidas vs. Nike

Езил беше главен промотор на копачките на „Најки“. Минатото лето одлучи да ги замени копачките со модел на „Адидас“. Проблемот настана поради тоа што неговиот договор со „Најки“ не му беше истечен. „Најки“ се жалеше и судот во Амстердам одлучи Месут Езил за казна да мора да ги облепи своите копачки со бела трака за да не биде видлива никаква марка, инаку ќе мора да плати казна од 150.000 евра. Тоа беше и причината што Месут Езил на натпреварот на германската репрезентација против Шведска во рамките на квалификациите на СП носеше бели „фантомски копачки“.

Многу пари за уште повеќе пари

Договорот кој Месут Езил го потпиша со „Адидас“ е повод и за коментари во германските медиуми. Еден од нив е оној во весникот „Келнер штат-анцајгер“ во кој се вели: „Нормален човек, кој сака да игра фудбал или има дете кое го сака тоа, мора да отиде во продавница и да си купи копачки. Ако сакате да ги купите 'актуелните' модели на некој произведувач тогаш мора да го 'одврзете ќесето'. Да се биде Месут Езил или кој и да е друг фудбалски јунак е многу практично. Тие имаат слобода во избор на копачки и притоа уште заработуваат неколку милиони евра“, пишува весникот.