1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Зголемена радијација во британска нуклеарка

Британската нуклеарна централа „Селафилд“ од утрово е делумно затворена, откако во еден нејзин дел беше регистрирано зголемување на нивото на радијација. Радијацијата ја предизвикал гасот радон.

Британската централа за преработка на обработено нуклеарно гориво „Селафилд“ му нареди на персоналот, кој не е суштински потребен, да остане дома, поради истрагата за зголемена радијација.

Во текот на денот беше заклучено дека радијацијата е предизвикана од природниот гас радон. Истрагата во компанијата покажала дека не била направена грешка во извршувањето на операциите. Радонот е радиоактивен гас кој природно се појавува од карпи или почва.

Flash-Galerie Geschichte der Castortransporte

„Приоритет број еден за нас е, како и секогаш, е безбедното управување со природните ресурси во ’Селафилд’, што е најкомплексната и најпредизвикувачката нуклеарна постројка во Европа“, објави раководството на „Селафилд“.

Од централата уверуваат дека нема никаков ризик за населението во поблиската и подалечната околина на централата, како и за нејзините вработени. „Селафилд“ се наоѓа на 480 километри од Лондон, во севернозападна Англија, во областа Камбрија.

„Стандардните викенд-операции ќе продолжат, а персоналот во нормален број ќе се врати на работа в понеделник“, соопштуваат од централата.

Во „Селафилд“ во октомври 1957 година се случи најкатастрофалната нуклеарна несреќа во Велика Британија. Во оваа централа некогаш се произведуваше плутониум за нуклеарни бомби. Пожарот што тогаш ја зафати централата траеше пет дена и предизвика радијација во атмосферата.