Западот бара конструктивност од Белград и Приштина | Теми на денот | DW | 02.02.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми на денот

Западот бара конструктивност од Белград и Приштина

Меѓународните дипломати повикуваат на конструктивност на двете страни во решавањето на идниот статус на Косово. За дел од нив загриженост предизвикува однесувањето на српскиот премиер Коштуница.

Марти Ахтисари

Марти Ахтисари

САД ги повикаа двете страни да разговараат со специјалниот претставник на ОН, Марти Ахтисари.

“Сметаме дека ќе биде конструктивно за страните во регионот да седнат со него на маса”, изјави портпаролот на Стејт департментот, Шон Меккормак, нагласувајќи дека речиси сите се согласни “оти ова прашање треба да се реши”. Но, САД е разочарана од пристапот на Демократската партија на Србија и одбивањето на премиерот Коштуница да го прими Ахтисари, како и од платформата на неговата партија за Косово.

Шефот на француската дипломатија Филип Дуст Блази предупреди дека “премногу брза независност” на Косово би можела да предизвика “опасна” реакција од српскиот премиер Коштуница.

Дуст Блази смета дека премиерот на Србија по последните избори на кои беше забележано јакнење на ултранционалистите се наоѓа пред дилема дали да им се придружи на радикалите или на проевроопската опција. Францускиот министер уште еднаш нагласи дека тие го поддржуваат нацртот на Ахтисари.

"Словачка и Шпанија целосно се согласуваат околу прашањето за Косово, а Србите треба да сфатат дека иднината им е во ЕУ", изјави вчера во Братислава шефот на шпанската дипломатија Моратиност по разговорите со словачкиот колега Кубис.

Моратиност нагласи дека “Србија и Косово треба сами да одлучат како понатаму ќе изгледа нивната егзистенција”. Словачкиот министер Кубис заклучи дека денес се останати малку алтернативни решенија од кои ниту едно не е привлечно и за двете страни, но нагласи дека страните мора да сфатат оти решението нема да може да биде победа за едната, а пораз и понижување за другата страна.