1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Завршена политичката криза во Босна и Херцеговина

Босанскиот парламент денеска (10.02) ја изгласа новата федерална влада и со тоа стави крај на 16-месечната политичка блокада во земјата.

default

Честитики за новиот премиер на БиХ Вјекослав Беванда (во средина)

Новиот кабинет ќе го предводи економистот Вјекослав Беванда, а ќе има девет министерства, поделени меѓу шест партии - две на босанските Срби, две на босанските Хрвати, како и муслиманската СДА и мултиетничките социјалдемократи.

„За“ изборот на новиот Совет на министри на БиХ, предводен од Вјекослав Беванда од Хрватската демократска заедница (ХДЗ) гласаа 26 пратеници, седуммина беа „против“, а еден се воздржа од гласање.

Regierung und Parlament Bosnien/Herzegowina

Зградата на парламентот во Сараево

Беванда за премиер на БиХ беше избран на 12 јануари, по што ги започна консултациите за состав на владата. При денешната презентација на владината програма 55-годишниот Беванда изјави дека приоритети на неговата Влада ќе бидат возобовувањето на процесот на приближување на БиХ кон ЕУ и економско опоравување на земјата.

16-месечната политичка криза во БиХ започна по парламентарните избори одржани во октомври 2010 година.

Автор: ЕМФ/СН/афп/миа

Редактор: С.Недевски