1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Забрзани подготовки за изборите

За следење на претстојните предвремени избори веќе се подготвуваат странските и домашните набљудувачи,а партиите веќе ги бараат можните коалициони партнери

default

Започнува трката по гласачи

Неколку стотини странски набљудувачи ќе бидат присутни на шестите парламентарни и први предвремени избори во Македонија.

И невладината организација Мост ги започна подготовките за изборот и обуката на над 1500 домашни набљудувачи. Оваа организација во 2006 година ги погоди и соодносите на парламентарните сили. Весникот Шпиц прв јавно ги објави правилата на медиумското покривање на изборите, повикувајќи ги партиите да определат и свои омбудсмани, кои ќе контактираат со уредништвото на овој бесплатен весник.

За фер и демократско гласање власта ќе понуди декларација слична на документот потпишан на претходните паралементарни избори.

Партиите започнаа со подготовки

Партиите инаку почнаа со неформалните изборни кампањи, но и први контакти за идни коалиции. Досегашниот портокалов сојуз на ВМРО ДПМНЕ ќе претрпи измени. Не е исклучено Либералната партија со најстариот пратеник Стојан Андов да замине од коалицијата со Груевски.

Актуелниот премиер и лидер на ВМРО ДПМНЕ ќе се обиде да ги привлече партиите од помалите етнички заедници: Бошњаци, Турци, Срби, Роми, чии гласови се над 150 илјади. Груевски пред шест месеци им понуди посебно министерство за етнички заедници, но идејата не се реализира.

И во опозицискиот СДСМ започна подготовка за изборите. Лидерот Радмила Шекеринска заговара коалиција на проевропските сили, дури и со НСДП на Тито Петковски, кој се отцепи од СДСМ. Стандардните партнери ЛДП остануваат.

Во партиите на македонските Албанци главната битка ќе се води меѓу лидерите на ДПА и ДУИ, Мендух Тачи и Али Ахмети.