1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Женева: Воздржан оптимизам на сириската опозиција

Денеска во Женева почнуваат директните преговори за решавање на сириската криза при што треба да се соочат двете завојувани страни. Посредникот на ОН во конфликтот, Лакдар Брахими, е соочен со тешка задача.

Директните преговори за решавање на сириската криза почнуваат денеска (24.01) во Женева, а се очекува да траат повеќе денови. Лидерот на Сириската опозициска коалиција Ахмад Џарба прогнозира дека преговорите ќе бидат тешки и долги и оти ќе бидат разгледани сите суштински прашања, а во тој смисол и создавањето на преоден управувачки орган. Но тој покажува воздржан оптимизам: „И патот кој е долг над илјада километри, почнува со еден чекор“, изјави тој пред новинарите во Женева. Џарба нагласи дека позицијата на сирискиот режим за решавање на конфликтот и натаму е далеку од реалноста. Тој го обвини режимот на Асад за активна поддршка во ширење на исламистичкиот терор во последните двеипол години: тајните служби не случајно и не само во 2011. година ненадејно пуштиле на слобода голем број терористи, вели тој. Џарба тврди и дека владините трупи не се напаѓани во областите кои ги држат под контрола борци на групата блиска до Ал Каеда - Исламска држава од Ирак и Левант (ИСИЛ).

Почетокот на мировните разговори за сирискиот конфликт во швајцарскиот град Монтро во средата беше во знакот на жестоките меѓусебни обвинувања меѓу државното раководство и опозицијата. На почетокот на конференцијата учествуваа и министрите за надворешни работи или претставници на околу 40 држави и регионални организации. Сириската опозиција и САД побараа оставка на Башар ал-Асад. Русија и сириската влада го отфрлија мешањето од странство во внатрешните работи на земјата. Двете страни се обвинија меѓусебно за свирепост и злодела во борбите.