1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Европа

Ештон: нема повеќе услови за Србија

Високата претставничка на ЕУ Кетрин Ештон во Белград изрази задоволство од исполнетите услови на Србија. Српскиот премиер Дачиќ очекува неговата земја да биде следната членка на ЕУ.

Високата претставничка на ЕУ Кетрин Ештон му оддаде признание на српското раководство во донесувањето тешки одлуки и соочувањето со големите политички предизвици, што, како што истакна, резултирало со едногласна одлука на членките на ЕУ да отворат преговори со Србија без нови услови. Ештон изразила задоволство и од тоа што Србија веќе ги почнала подготовките за почеток на пристапните преговори со ЕУ.

„Тоа е процес полн со предизвици и затоа е добро да се види дека Србија се подготвува. И ние ги почнавме подготовките, Европската комисија работи на подготовката на рамката за преговори и се подготвува да ја претстави на државите членки“, рече Ештон по состанокот со српскиот претседател Томислав Николиќ, премиерот Ивица Дачиќ и вицепремиерот Александар Вучиќ. Ештон истакна дека одлуката да се отворат преговори со Србија е историска.

„Сиот тој труд (на раководството на Србија) го потврди секоја членка на ЕУ со едногласното донесување на одлуката за отворање на пристапните преговори. Оваа одлука е донесена без какви било нови услови“, нагласи високата претставничка на ЕУ.

Дачиќ по разговорите кусо изјави дека очекува Србија да биде следната нова членка на ЕУ.

DW.COM