1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Ештон: ЕУ продолжува да ја поддржува БиХ

Заминувањето на полициската мисија на ЕУ од Босна и Херцеговина не значи запирање на поддршката на земјата во нејзините евроинтегративни процеси, гласи пораката од врвот на Унијата.

Високата претставничка на Европската унија за надворешна и безбедносна политика Кетрин Ештон по повод завршувањето на Европската полициска мисија во Босна и Херцеговина истакна дека таа придонесла за обликување на заедничката безбедносна и одбранбена политика во земјата. Ештон додаде дека сега задачата да го зачува постигнатото му е доверена на специјалниот претставник на ЕУ во БиХ, Петер Соренсен. Тој, како што истакна неформалната министеерка за надворешни работи на Унијата, ќе продолжи да го поддржува развојот и ќе ја следи БиХ на нејзиниот пат кон Европската унија.

European Union Police Mission in Bosnien EUPM

Заминувањето на ЕУПМ не значи и запирање на поддршката за БиХ

Дејствувањето на Полициската мисија на ЕУ беше во насока на пружање поддршка на агенциите за спроведување на редот и закнот и борбата против организираниот криминал и корупцијата во Босна и Херцеговина, како и во интензивирање на соработката меѓу полицијата и обвинителствата инегување на регионалната и меѓународната соработка. ЕУ изкажа недвосмислена поддршка на европската перспектива на БиХ како суверена држава со целосен тероторијален интегритет.

Полициската мисија на ЕУ во БиХ започна во 2003-та година и беше првата полициска мисија испратена од Унијата, а ја замени операцијата на ОН, чии сили беа распоредени во земјата поради војната во 90-тите години од минатиот век. ЕУ имаше 880 претставници во Босна, а до овој момент останаа само 80 полицајци