Ештон бара што поскоро решение за името | Македонија | DW | 23.07.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Ештон бара што поскоро решение за името

Советот на ЕУ ја поддржува Македонија во нејзините евроинтеграции, а спорот за името треба да се надмине што поскоро, потенцира високата претставничка на ЕУ за надворешна и безбедносна политика Кетрин Ештон.

Укажувањето дека спорот за името треба да се реши што поскоро Ештон го искажала на средбата со шефот на македонската дипломатија Никола Попоски, која се одржала денеска во Брисел.

Попоски ја информирал Ештон за напорите кои Македонија ги прави за надминувањето на разликите со Грција, како и тоа дека е неопходно на земјата да и’ се овозможи напредок во европскиот пат, базиран врз нејзините постигнувањата.

„Ако не ја засилиме посветеноста и подигнеме нивото, повторувањето на истиот пристап нема да му помогне на амбасадорот Нимиц да ја надмине разликата. Но, за тоа да се случи, потребна е согласност и посветеност во Атина. Тоа имаме право да го очекуваме со оглед на долготрајните опструкции во евро-атланските интеграции“, нагласил министерот.

Попоски во Брисел, заедно со шефот на литванската дипломатија Линас Линкевичиус, претседава со десетиот состанок со Советот за стабилизација и асоцијација меѓу ЕУ и Македонија, а на истиот присуствува и еврокомесарот за проширување Штефан Филе.