1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

ЕЦБ ја спушти референтната каматна стапка на историски ниско ниво

Парите во еврозоната се евтини како никогаш досега, барем за банките. За првпат по воведување на еврото, референтната каматна стапка е спуштена под еден процент.

Советот на Европската Централна Банка денеска одлучи за 0,25 насто да ја намали основната каматна стапка која сега изнесува 0,75 насто. Мнозинството економски експерти очекуваа вакво историско намалување на каматната стапка на ЕЦБ како нов чекор во борбата против проширувањето на рецесијата. Ниските рефрентни каматни стапки им доаѓаат добро на банките, особено на оние што се во криза, како во Јужна Европа. Тие сега можат да позајмуваат пари по уште поповолни услови, а истовремено постои можност и да ги зголемат добивките и да создадат сопствен капитал.

Спуштањето на референтната стапка предизвика разочарување на финансиските пазари. Дакс-индексот реагираше со благи загуби на ваквата одлука. Еврото се спушти на вредност од под 1,25 долари.

Symbolbild Börsenverlauf nach unten

Повеќето економисти го очекуваат ваквиот чекор на ЕЦБ во борбата против ширење на рецесијата. Одлуката важи како обид за олабавување на еврокризата, за снабдување на банките со пари и за обезбедување евтини кредити за земјите во криза. Сепак, експертите не се единствени во ставот дали намалувањето на каматите ќе и‘ даде поттик на конјуктурата или ќе ја „потпали“ инфлацијата.

Во меѓувреме, 160 врвни економисти од германското говорно подрачје со невообичаена протестна акција ги критикуваат најновите планови на ЕУ за спас на европските банки. Економските научници во отворено писмо ги повикуваат граѓаните да се спротивстават на плановите на земјите од еврозоната. Економистите посебно се спротивставуваат на т.н „Банкарска унија“, која значи колективно гарантирање за долговите на банките во евросистемот. На даночните обврзници, пензионерите и штедачите од „досега се’ уште солидните земји“ не смее да им се припишува одговорност за осигурување на овие долгови, порачуваат врвните економисти, меѓу кои е и претседателот на угледниот ИФО-институт од Минхен, Ханс Вернер Зин и економистот од Фрајбург, Бернд Рафелхисхен.

Поврзана содржина