1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

ЕУ нема начин да ја притисне Грција за спорот со името!

Европарламентарката Дорис Пак во изјава за Дојче веле, вели дека нема начин ЕУ да изврши притисок врз Грција за да се надмине спорот за името и Македонија да ги почне преговорите со Унијата.

default

ЕУ е немоќна, со жалење констатира Дорис Пак

Дорис Пак вака ја коментара одлуката на Советот на министри да ја одложи одлуката за утврдување датум за почеток на преговори за Македонија

„Одлуката, која всушност и не беше одлука, ме прави многу тажна. Мислам дека тоа е погрешен сигнал кој го испративме кон Македонија. Земјата го исполни Охридскиот договор, работеше напорно на европскиот пат.

Жално е што ЕУ нема никаква алатка за да ја притисне Грција да се однесува поинаку. И националистичките тонови кои доаѓаат од Грција и од Македонија не помагаат за да се реши проблемот. Според мене, двете земји пред извесно време беа блиску до решение кога Македонија беше подготвена да прифати додавка на името, но Грците рекоа дека придавката Македонија не може да се користи. За мене тоа беше неверојатно. Како овие луѓе да паднале од небото и да немаат име, сопствен идентитет. Тие се Македонци кои живеат во Македонија, а не во Грција, каде живеат други Македонци. Затоа, за мене ова е ситуација која е неприфатлива, но за жал парламентот не може да стори ништо.

Сфаќам дека на граѓаните на Македонија им е преку глава од ова прашање. Дека тие сакаат да им испратиме сигнал дека го респектираме она што го сторија, а од друга страна, сметам дека и во Грција има такви луѓе, на кои им е преку глава од овој спор.

Се надевам дека ќе се најде решение за проблемот, но нема начин како ние да помогнеме. Луѓето не разбираат дека не постои начин ние од ЕУ да ја притиснеме Грција да попушти. “

Автор: Борис Георгиевски

Редактор: Жана Ацеска

DW.COM