1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

ЕУРОСТАТ ќе и’ држи лекции на Владата за пописот

ЕУРОСТАТ предупредувал на политички ризици за спроведување на пописот, информираат од оваа европска статистичка институција за Дојче веле. ЕУРОСТАТ ќе укаже кои лекции за попис властите во Скопје треба да ги научат.

default

Од ЕУРОСТАТ оцениле дека пописот технички може да се спроведе, но оти неговото спроведување е со висок политички ризик

На барање на македонската Влада, ЕУРОСТАТ бил вклучен во оценување на состојбата со пописот, а целта била да се види дали пописот ќе биде спроведен во согласност со меѓународните препораки за пописи, вклучувајќи го концептот на вообичаено место на престој, информираат од ЕУРОСТАТ за Дојче веле.

Тимот за оценка, составен од меѓународни експерти за попис, направил ревизија на подготовките за пописот преку пет мисии во земјата.

„Врз основа на нивните извештаи, ставот на ЕУРОСТАТ беше дека Државната

Mazedonien Land und Leute Mutter mit Kind in Skopje

Пописот на населението е значаен за соодветно носење на економски и социјални одлуки, велат од ЕУРОСТАТ

пописна комисија ќе биде во можност технички да спроведе веродостоен попис. Како и да е, политичката комплексност беше воочена како висок ризик за соодветна имплементација на пописот. Пораки за овој ризик повеќе пати беа доставувани до Владата и Државната пописна комисија“, стои во писмениот допис од ЕУРОСТАТ до македонската редакција на Дојче веле.

Од оваа институција информираат и дека „тимот за оценка од ЕУРОСТАТ ќе подготви извештај за спроведувањето на пописот и за лекциите што треба да се научат, кои ќе бидат доставени до Владата“.

„Пописот на населението е многу значаен дел од статистичката инфраструктура, која што е потребна за креаторите на одлуки да донесат јасно засновани економски и социјални одлуки“, заклучуваат од ЕУРОСТАТ.

Автор: Александар Методијев

Редактор: Елизабета Милошевска Фиданоска

DW.COM