1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Ердоган замени речиси половина од Владата

Тускиот премиер Реџеп Таип Ердоган достави нова листа со министри до претседателот Абдула Ѓул, откако тројца министри вчера (25.12.2013) поднесоа оставки поради корупцискиот скандал во земјата.

Турскиот премиер замени речиси половина од владините министри, откако корупцискиот скандал во земјата натера тројца министри да поднесат оставка, а го загрози останувањето на власт и на самиот Ердоган. Тој во телевизиско обраќање објави дека поставува нови министри на местото на оние кои си поднесоа оставка – за внатрешни работи, економија и животна средина, како и на местото на министерот за европски прашања, за правда, транспорт, семејни прашања, спорт и индустрија, како и на местото на еден од неговите четворица заменици-премиери.

Ердоган во обраќањето не остави впечаток дека размислува за оставка, откако еден од министрите кои се повлекоа, Ердоган Бајрактар, го побара тоа од него, а во исто време во земјата избија антивладини протести.

Türkei Korruptionsskandal Erdogan Bayraktar Umweltminister

Ердоган Бајрактар

Овој корупциски скандал станува огромен предизвик за Ердоган, кој е на власт во Турција 11 години. Неговиот имиџ е нарушен од протестите организирани во јуни.

Нов протест се случи вчера во Истанбул. И на него се бараше оставка на Ердоган. Полицијата со употреба на солзавец ги растера, како што се проценува, 5.000-те демонстранти. Корупцијата е насекаде!“, „Отпорот е насекаде“!, скандираа демонстрантите во Истанбул, користејќи ги паролите од масовните антивладини протести, кои ја потресоа Турција во првите три седмици на јуни. Протести се одржаа и во Анкара и во Измир.

На социјалните мрежи осамнаа повици за нови демонстрации против корупцијата и против Ердоган утревечер на плоштадот „Таксим“, што беше центар на јунските протести.

Ердоган смета дека истрагата што во моментот се води за корупција е „валкана кампања против неговата Влада“. Турската полиција, во рамките на истрагата која почна пред 10 дена, приведе десетици луѓе кои се сметаат за блиски до Владата на Ердоган.