1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Европа

Ердоган влегува во спалните соби

Меѓу турскиот конзервативен премиер Ердоган и неговите лаицистички противници изби нов спор. Владата не само што дозволи носење шамија во парламентот, туку е против живеење на двојки без склучен брак.

Мерал Оздемир и Јилмаз Тузун се пар веќе пет години, а сепак уште не мислат на брак. Во Истанбул ваквите форми на заеднички живот одамна не се ништо необично. Но, религиозните конзервативци сега наголемо се подготвуваат против дивите бракови и заедничко живеење на луѓе од различен пол. Владата се заканува со заострување на законите и претреси на становите. Оттогаш двајцата се вознемирени.

„По овие изјави човек се запрашува: што мисли соседството за нас? Дали некој ќе се почувствува охрабрен на акција против нас“? се прашува Мерал.

„Лошото во целата дискусија е што овде повторно се прави политика на грбот на жените. Не е првпат премиерот да го прави тоа,“ дополнува Јилмаз.

Тоа започна со најава на владата дека ќе се забранат полово мешаните студентски домови на универзитетите. Кратко потоа владата излезе со дополнување:

„Постојат легални форми на заедничко живеење и нелегални. Против вториве ќе преземеме нужни мерки“, рече премиерот Реџеп Таип Ердоган.

Паровите кои не се во брак и луѓето кои живеат во заедница треба да бидат пријавени во полиција. Во конзервативните квартови на Истанбул тоа наиде на согласност.

„Тоа не треба да го има. Овде можете да прашате кого сакате, сите се единствени“, вели еден жител.

Но, токму женските следбеници на Ердоган се‘ почесто го изразуваат незадоволството против строгите морални ставови. На оваа политичка конференција за прашања на семејството, Фатма Унсал, една од основачките членови на владината партија АКП, отворено застана против партискиот шеф:

„За мене е проблематично кога државата навлегува во приватната сфера. Освен тоа, со вакви изјави општеството се поттикнува на меѓусебно шпионирање“.

На почетокот на минатата недела беа направени првите рации против студентски заедници. Одговорот на тоа - повторно демонстрации. Гневот кај прозападните Турци е голем:

„Притисокот на религиозните врз нашиот приватен живот е се‘ поголем. Но, ние против него ќе се браниме со сите средства“.

„Der Druck der Religiösen auf unser Privatleben wir immer grösser. Aber wir werden uns dagegen mit allen Mitteln wehren.“

И Мерал Оздемир и Јилмаз Тузун не сакаат да потклекнат под притисокот на државните чувари на моралот. Спорот околу дивите бракови покажува колкава е во меѓувреме длабочината на јазот во турското општество:

„Овој јаз искрено речено ме загрижува повеќе од владината политика. Накаде оди нашето општество во целост? Како натаму?“

Живот и љубов според сопствена желба, стои, меѓу другото, на транспарентите. Младата генерација во Турција е подготвена да се бори за ова мото.