1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Диско за сите

Диско од соништата - така се нарекуваат диско-вечерите кои ги организира една евангелистичка црковна заедница од германската престолнина. На забавите заедно танцуваат млади со хендикеп и нивни врсници без хендикеп.

default

Една сосема нормална диско вечер. Млади танцуваат и добро се забавуваат. Повеќето гости сепак се посебни, тие имаат душевен хендикеп.

„Диско од соништата“ - така се нарекуваат овие диско-вечери кои ги организира една евангелистичка црковна заедница во Берлин. Пред две години ваква идеја и падна на памет на Сузане Фос и тоа практично беше подарок за нејзиниот син Бенјамин.

Еднаш во месецот се слави, велу Сузане: „Причината е дека сакавме да покренеме нешто одржливо за нашите деца и така настана 'диско од соништата'. Се надевам дека диското ќе постои и еден ден кога нас ќе не нема, како место на кое заедно танцуваат и слават луѓе со хендикеп и луѓе без хендикеп“.

Младите членови на црковната заедница се задолжени за гардеробата и за барот: „Подобро е отколку со други. Едноставно расположението е опуштено. Сеедно е како некој танцува, никој не внимава на тоа...“ , вели ученичката Мерит.

Забавата почнува во 18 часот, а овојпат дојдени се околу 70 млади. Повеќето во придружба на своите родители. „Во други дискотеки децата секогаш некој попреку ги гледа. А тука ова многу ми се допаѓа. Овде тие едноставно можат да бидат такви какви што се“, вели една мајка на хендикепирано момче.

Symbolbild Tanzen Club Pop Musik Disko Diskokugel

Младите со хендикеп во „Диското од соништата“ со најголемо задоволство танцуваат на хитовите на Мајкл Џексон. А притоа изведуваат и вистински акробации.

Нешто подоцна на бината им се придружуваат останатите млади од црковната заедница и тогаш е навистина полно. Впрочем како секогаш. Планот на Сузане Фос повторно се оствари. Хендикепирани и нехендикепирани се забавуваат заедно.

„Никој не говори: 'Ти имаш хендикеп, а јас немам', туку едноставно сите се однесуваат меѓусебе сосем нормално. Тоа всушност воопшто воопшто не треба да е тешко“, вели Сузане.

По три часа забавата е готова. Потоа сите чекаат на новата забава во „диското од соништата“ во наредниот месец.