1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Дизајнерите одблизу

На седум модни саеми во Берлин беа презентирани над илјада колекции. Кон ова се дополнуваат модните ревии и презентациите на штандови под отворено небо.

default

Мода во Берлин

Некогашниот аеродром Темпелхоф, поранешната поштенска и товарна железничка станица, објектот на една од старите пекарници или луксузниот салон во хотелот Адлон – сите овие објекти понудија модниписти. На нив четири дена се претставија докажани, но и иновативни дизајнери од светската мода. Берлинчани и многу гости ги видоа последните колекции на мајсторите на модата почнувајќи од Boss и Calvin Klein, преку Stella McCarttney, Cacharel, La Perla, до берлинските дизајнери penkov Berlin, Lala Berlin, Klilan Kerner.

Deutschland Modenschau der Mercedes Benz Fashion Week in Berlin

Недела на модата во Берлин

Најголоемо внимание меѓутоа секако предизвика викенд манифестацијата „Вединг дрес“ во истоимениот работнички и мигрантски кварт за што Оливија Штајнвег одговорна за организацијата од агенцијата „Гранма“ кажува: „Ние правиме модна недела за секого. На големите шоуа можат да присуствуваат само поканети гости, а ние сакавме да етаблираме нешто на кое познати дизајнери ќе ги претстават своите колекции. Но кај нас нема само публика која гледа, како на ’Bread and Butter’, туку може и да се купува“.

180 дизајнери и берлински марки во Вединг се претставуваа на 500 метри долгата импровизирана модна улица, полна со штандови. На две големи бини имаше музичка

Wedding Dress 4. Juli 2009

Дизајнерката Паула Имих

програма, а се одржа и специјална модна ревија за која Штајнвег објаснува: „Ревијата покажува што е берлинскси стил. Фотографот Дарин Натал изборот на моделите го направи на берлинските улици. На ревијата покани да учествуваат многумина кои негуваат сопствен, оригинален и посебен стил. Така професионалните модели им отстапија место на обичните граѓани на престолнината...“

Секој што се најде на бината беше свој по сите нешта, а топ дизајнерот од Минхен Марсел Остертаг чија колекција за 2010 беше претставена и на пистите на Темпелхоф, но и на саемот Премиеум коментира дека во Берлин е се’ дозволено. И тоа е еден тренд, човек да може да носи многу комбинации и мешавина од стилови. Никаде не е како во Берлин.

Јохана Шафаршик од Хамбург која стои зад марката „Comtesse de la Haye“ е воодушевена од идејата, креаторите да се сретнат со оние кои ги носат нивните креации. Кажува дека за неа е битен контактот со муштериите. Реакциите кои ги добива се битни за развивањето на нејзините колекцијата за наредната сезона. „Суво злато вредат контактите со купувачите и луѓето од Вединг“, вели таа.

Wedding Dress 4. Juli 2009

Шарени бои на Gabriel & Schwan

Gabriel & Schwan е марката која ја создале Алекс Габриел и Финке Шван: модерни чанти во јаки бои, со многу графички елементи. Алекс смета дека манифестацијата е можност да се сретнат клиентите, да се продаде она што останало од старите колекции и да се претстават новите работи. Паула Имих, создавач на марката „Presque Fini“ на прашањето дали според пазарот неделава беше екстра или вообичаена е категорична, дека дефинитивно е поразлична од вообичаените денови. По многу нешта, но и по заработувачката. Меѓу оние што заминаа од Вединг со полна ќеса нова гардероба беше и Дитер. Тој коментира дека огромен впечаток му остави разновидноста и големиот број дизајнери, што секако било многу возбудливо!

Автор: Силвера Падори

Редактор: Александра Трајковска