1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Далај Лама се среќава со Барак Обама

Претседателот Барак Обама ќе се сретне со тибетскиот духовен водач Далај Лама, и покрај протестите на Кина. Пекинг се заканува со воведување санкции против американските фирми, поради посетата на Далај Лама на Вашингтон.

default

Далај Лама

Портпарол на кинеското министерство за надворешни работи побара од американскиот претседател Барак Обама да ја откаже средбата со духовниот водач на Тибет, за да не предизвикува натамошни штети на кинеско-американските односи. Обама, меѓутоа, изјави дека се радува на конструктивните разговори со Далај Лама, како што соопшти портпаролот на Белата куќа.

Односите меѓу САД и Кина во последно време се значително заладени. Причината меѓу другото е најавената голема пратка американско оружје за Тајван во вредност од 6,4 милијарди долари, која во Пекинг наиде на остри критики. За затегнатоста придонесуваат и прашањата поврзани со слободата на интернетот, трговијата и постојниот спор околу вреднувањето на кинеската валута.

Obama Dalai Lama Kombo

И покрај притисокот од Пекинг Обама ќе се сретне со Далај Лама

Американската министерка за надворешни работи Хилари Клинтон во Париз неодамна изјави дека Кина мора да се приклучи кон построги санкции против Иран, ако не сака да биде дипломатски изолирана и економски бојкотирана.

По почетната воздржаност од покажување цврстина кон Пекинг од страна на Барак Обама, за разлика од неговите претходници, сепак беше само прашање на време кога ќе случи ново заладување, истакнува експертот за Кина, Нина Хачигиан од либералниот Центар за американски прогрес. Во американско-кинеските односи, порано или подоцна, секогаш доаѓа до спорни теми. Односите меѓу САД и Кина се комплицирани. Сегашните реакции на Пекинг на посетата на Далај Лама на Вашингтон се големи, но не поостри отколку во минатото, тие се еочекувани, смета Хачигиан. Таа е оптимист во однос на иднината, за разлика од другите експерти за Кина, кои очекуваат натамошна затегнатост на релација Вашингтон-Пекинг. Постои толку голема безбедносно-политичка и еконосма меѓусебна зависност, што мора да се најдат патишта за соработка во подрачјата кои се од обострана важност, а разлики на други теми и натаму ќе има, вели Хачигиан.

Автор: Кристина Бергман/Жана Ацеска/дпа/

Редактор: Александра Трајковска