1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Г20 разговараше за Сирија

Западните и арапските држави и натаму инсистираат на политичко решение за сирискиот конфликт во рамки на ОН-мировен процес. За Сирија денеска се разговараше на средбата на Г20 во Бон.

На средбите на министрите за надворешни работи на најмоќните држави во светот веќе со години неизбежна е темата - Сирија. На завршницата од средбата на Г20 во Бон, германскиот и францускиот министер за надворешни работи, Зигмар Габриел и Жан-Марк Ајро, информираа дека западните и арапските држави инсистираат на политичко решение на сирискиот конфликт, во рамки на мировен процес под капата на ОН. Таквата позиција, како што соопштија двајцата, ја поддржуваат и САД. Габриел и Ајро, сепак, ги задушија преголемите очекувања од новата рунда преговори во Женева, која треба да започне наредната недела. „Треба да се биде реален“, рече Габриел.

Во однос на разговорите за Сирија кои се водат во Казахстан, германскиот министер потенцираше дека „не смее да има паралелни преговори“. На разговорите во Астана водечка улога има Русија.

DW.COM