1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Грција: Помали даноци за повеќе туристи

Драстично намалување на ДДВ во Грција треба да доведе до заживување на гастрономскиот сектор. Во грчките ресторани и хотели од денеска важи намален ДДВ од 13 проценти, наместо досегашните 23 насто.

default

el Santorini

Грчката влада преку намалениот данок на додадена вредност се надева на снижување на цените во рестораните. Намалувањето засега важи до крајот на оваа година. Во договорот потпишан меѓу Министерството за финанси и претставници на браншата, се споменува снижување на цените од пет до осум проценти. Баровите, рестораните и хотелите кои се придржуваат на оваа спогодба, тоа можат да го обзнанат преку истакнување сино-портокалов плакат. Критичарите меѓутоа се сомневаат дека властите ќе можат да вршат доволно контроли на намалувањето на цените.

Премиерот Андонис Самарас го најави првото намалување на данокот по војната пред две недели, но предупреди: ако цените не паднат според очекувањата, ДДВ повторно ќе биде зголемен на 23 проценти. Земјата ќе продолжи со реформи: „Ние нема да направиме ни чекор наназад“, истакна Самарас.

ДДВ беше значително зголемен во 2010 година, како една од мерките за возврат за примањето финансиска помош од страна на ЕУ и ММФ.

Министерството за финансии најави засилени контроли и во борбата против широко присутното затајување данок и во туристичката бранша во текот на ова лето. Даночните „грешници“ можат да „заработат“ и 48-часовно присилно затворање на нивните фирми, како што пишува весникот „Та неа“. За таков случај ќе биде истакната плаката со укажување: „Затворено поради затајување данок“.