1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Грција- главна тема за министрите за финансии од еврозоната

Министрите за финансии од еврозоната попладне ќе се состанат во Брисел и ќе разговараат за економската состојба на Грција, откако грчкиот парламент синоќа го усвои буџетот за 2013 година.

Европските министри за финансии денеска на состанокот во Брисел ќе треба да направат проценка дали последниот пакет мерки за штедење што ги усвои парламентот во Атина пред неколку денови се доволни за да се гарантира натамошна помош.

Иако на Атина итно и е потребна следната транша од помошта во висина од 31,5 милијарди евра со која ќе избегне банкрот, малку веројатно е дека европските министри за финансии денеска ќе донесат одлука за доделување на следната транша која е замрзната од јуни.

Грчкиот премиер Андонис Самарас инсистира да му се дадат две дополнителни години до 2016 за исполнување на целите за намалување на дефицитот кои од него ги бараат меѓународните кредитори. Тековната цел на европските лидери е да се намали грчкиот долг за 120 отсто од бруто домашниот производ до 2020 година. Европската комисија минатата недела процени дека тој во 2014 година ќе се зголеми на 188,9 отсто од 176,7 проценти оваа година.

Претседателот на германската Бундесбанка Јенс Вајдман изјави дека смета оти ќе биде одобрена нова помош за Грција. За весникот „Рајнише Пост“ тој оцени дека политиката очигледно се одлучила да ја финансира Грција и натаму. Вајдман побара „ненашминкан и искрен извештај“ на тројката надзорници.