1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Груевски: Ќе градиме добрососедствo, кој и да е на власт во Грција

Македонија ќе продолжи да гради добри политики со Грција независно од опцијата која ќе победи на изборите, изјави денеска (06.05) македонскиот премиер Никола Груевски.

Ќе се обидеме да ги придвижиме работите кон подобро и кон решение на прашањето за името, нагласи премиерот Груевски, зборувајќи за очекувањата на регионален план и градењето добрососедски политики по изборите во Србија и во Грција.

Според Груевски, треба да победат оние за кои граѓаните на државите во кои се гласа ќе оценат дека моментно се најдобра опција. Кого и да изберат граѓаните, најави Груевски, „ќе се обидеме и понатаму да имаме добри односи со нив и да градиме добри политики“:

„Особено овде станува збор за Грција, бидејќи имаме сериозен проблем со нив, со прашањето кое не‘ оптоварува и блокира 21 година. Посебно со таа држава, кој и да дојде на власт, ќе се обидеме да ги придвижиме работите кон подобро и кон решение на прашањето кое ги оптоварува и двете земји, се разбира нас повеќе, затоа што ние сме блокирани, но се разбира не и‘ е се‘ исто и на Грција да носи таков товар пред Европа и светот со години наназад“, изјави Груевски, одговарајќи на новинарски прашања по посетата на Геронтолошкиот завод во Скопје.