1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Граѓаните на Туркменистан бираат претседател

Околу три милиони жители на Туркменистан избираат шеф на државата меѓу осум понудени кандидати. Се очекува реизбор на претседателот Гурбангули Бердимухамедов. Критика доаѓа од Западот.

Освен актуелниот претседател Гурбангули Бердимухамедов на изборите во Туркмeнистан учествуваат уште седум други кандидати. Но, овие претседателски кандидати се исто така од редовите на владејачката структура. Двајца од нив се министри во актуелната влада на Туркменистан, четворица се директори на државни претпријатија, а еден е регионален управник.

Turkmenistan / Berdymuchamedow / Berdymukhamedov / Präsident

Претседателот Гурбангули Бердимухамедов

Агенцијата ДПА пренесува дека на сите изборни места владее празнично расположение. По налог на претседателот Бердимухамедов се одржувале и концерти и настапувале артисти.

До пладне по локално време според официјалните резултати својот глас го дале речиси половина од изборачите. Избирачките места би требале да бидат затворени во 16 часот по средноевропско време.

Аналитичарите проценуваат дека актуелниот претседател Гурбангули Бердимухамедов ќе извојува убедлива победа и дека ќе освои втор претседателски мандат.

Бердимухамедов дојде на власт во оваа со нафта и гас богата земја во 2006 година по смртта на долгодишниот претседател и „татко на Туркмените“ Сапармурат Нијазов. Критичарите го обвинуваат 54 годишниот Бердимухамедов за повреда на човековите права како и угнетување на оние кои мислат поинаку.

Западните медиуми изборите ги оценуваат како фарса, а против-кандидатите на Бердимухамедов за статисти во изборниот процес. Поради ваквата состојба, Организацијата за безбедност и соработка во Европа (ОБСЕ) реши да не испраќа своја набљудувачка мисија на овие избори. Меѓутоа ОБСЕ до сега никогаш не прогласил некој изборен процес во Туркменситан за слободен и фер.

Автор: АТ/ АМ/ миа/ дпа /афп

Редактор: Александар Методијев