Германското стопанство бара од владата поостар курс на штедење | Економија | DW | 24.04.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Германското стопанство бара од владата поостар курс на штедење

Поради европската должничка криза неопходно е преминување на политика практично без нови задолжувања, аргументираат стопанствениците во Германија.

Германското стопанство бара од владата поостар курс на штедење. Поради европската должничка криза неопходно е преминување на политика практично без нови задолжувања, се вели во писмото на претседателот на Германската индустриска и трговска комора Хајнрих Дрифтман до канцеларката Ангела Меркел.

Во писмото, кое го цитира весникот „Франкфуртер Алгемајне Цајтунг“, Дрифтман наведува: „Кризата на државните финансии во Европа и во Америка јасно покажува колку многу долго, во голем број западни демократии, се правеле погрешни политички компромиси финансирани со задолжување. Сега се потребни реформи за поголема конкурентност и помалку задолжувања во Европа. А, и ние во Германија мораме да научиме дека демократијата може да функционира и без нови долгови. Санација на буџетот е итно потребна “, стои во писмото на Дрифтман до канцеларката Меркел.