1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Германија против Македонија

Германската ракометна репрезентација во осминафиналето на Светското првенство во Шпанија, утре (20.01) во Барселона игра против тимот на Македонија.

Прво се танцуваше на паркетот, а потоа спортскиот менаџер на Ракометниот сојуз на Германија, Хајнер Брант, ги тапкаше со признание германските играчи - аутсајдерот Германија влезе во осминафиналето на Светското првенство во Шпанија како прва во групата. Во последниот натпревар од групната фаза, вчера во Барселона беше победен фаворитот Франција со 32:30 (фото горе: момент од натпреварот).

„Ова за нас беше уште една победа на турнирот, која е многу убава, зашто воопшто не сметавме со нејзе. Затоа се радуваме многу што го победивме светскиот и олимпискиот првак. Но, тоа беше само една победа и во недела сакаме да победиме и да влеземе во четвртфиналето“, изјави тренерот на германскиот тим.

Handball WM Mazedonien vs Iceland 15.01.2013

Македонските навивачи сега треба да ги бодрат ракометарите во осминафиналето

Во недела (20.01) во Барселона, Германија игра против Македонија, која во групата Б се пласираше на четвртото место. Македонската ракометна репрезентација настапот во групната фаза го заврши со пораз од Данска со резултат 33:30.

На полувремето против актуелниот европски првак Македонија водеше со 15:14, во 40.минута предноста изнесуваше и три голови (21:18), но Данците од тој момент направија серија од 9:1 за целосен резултатски пресврт и недостижна предност за избраниците на Звонко Шундовски. Браќата Кирил и Филип Лазарови со по пет постигнати голови беа најефикасни во македонскиот состав.

На другите два натпревара од последното коло во групата Б постигнати се следните резултати: Русија – Чиле 36:24 и Исланд – Катар 23:19. Конечна табела во Б групата: Данска 10 бодови, Русија 7, Исланд 6, Македонија 5, Катар 2, Чиле 0.