1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Германија очекува економски раст од само 0,7 насто

И покрај тмурната атмосфера, владата е оптимистична дека германската економија по кусо оладување повторно ќе оди по нагорна линија. Сепак таа во Годишниот економски извештај ја намали прогнозата за економскиот раст.

Наспроти трендот во Европа, економијата во Германија во 2012-та година треба да расте- меѓутоа на ниско ниво. Ова е основната порака во Годишниот економски извештај на германската влада, што денеска во Берлин го претстави министерот за економија Филип Реслер.

Според извештајот економијата во земјата по силните 3 проценти во минатата година , во 2012-та ќе забележи раст од само 0,7 проценти. Во 2013-та растот повторно треба да се искачи на добри 1,6 насто.

„Германија е сидро на економската стабилност“

„Германија стои добро. Нашата економија е робусна“, изјави Реслер кој воедно е и вицеканцелар при претставувањето на Годишниот економски извештај во Берлин.

Investionsgipfel Investitions-Gipfel Rösler Berlin Wirtschaftskrise Krise

Германскиот министер за економија и вицеканцелар Филип Реслер

„За рецесија не може да стане ниту збор. Германија е и останува сидро на стабилноста и растот во Европа“ порача министерот за економија.

Гледај видео 00:55

Намалена прогнозата за економскиот раст во Германија

Причина за економското заслабнување е несигурноста на пазарите на капитал поради високите државни долгови во еврозоната.

„Развојот на случувањата на финансиските пазари и особено во еврозоната е најголемиот ризик“, порача денеска Реслер.

Послабиот економски раст меѓутоа не треба негативно да се одрази врз пазарот на труд во Германија. Бројот на вработени лица и натаму ќе расте, сосема спротивно од трендот во Европа, прогнозира германската влада.

Автор: Катарина Бан/ Симе Недевски

Редактор: Жана Ацеска

Аудио и видео прилози на оваа тема