1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Втора победа на Германија, прв бод за Македонија

Денеска на Светското првенство во ракомет за жени во Санкт Петерсбург Германија игра со Данска, а Македонија со Аргентина

Репрезентацијата на Германија во второто коло ја совлада Австрија со 34 спрема 27 и заедно со Данска, која забележа победа над Брегот на слоновата коска со 42 спрема 21, води на табелата во Ц-групата. Обете екипи имаат по 4 бодови и денеска им претстои меѓусебниот дуел. Вчера Бразил ја победи Полска со 34 спрема 31.

Македонија во Д-групата одигра нерешени против Украина 29 спрема 29. За разлика од првиот натпревар, кога Македонија на полувремето водеше против Франција до 4 голови разлика, но на крајот беше поразена, овој пат Украинките по првиот дел имаа предност од 5 голови – 17 спрема 12, а македонските претставнички успеаја да стигнат до изедначување. Денеска Македонија може да се надева и на првата победа на ова првенство - се среќава со Аргентина, која загуби од Франција со 33 спрема 11. Во рамките на оваа група во второто коло Романија го победи Камерун со 50 спрема 19.

Во А-групата Русија убедливо ја совлада Кина со 36 спрема 20, а втора победа забележа и Холандија 29 спрема 8 против Уругвај. Први бодови освои Хрватска со тесната победа против Јапонија со 31 спрема 30. Водат Русија и Холандија со по 4 бодови.

Унгарија и Словенија по двете одиграни кола водат во Б-групата со по 4 бодови. Унгарија ја совлада Ангола со 34 спрема 30, а Словенија имаше лесна работа во дуелот со Австралија – резултатот е 41 спрема 13. Во дуел од оваа група олимпискиот вицешампион Јужна Кореја забележа победа против европскиот првак Норвешка со 30 спрема 25.