1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми на денот

Во Украина се исцртува можна победа на про-западните демократски сили

По преборјувањето на една третина од гласовите на вчерашните предвремени парламентарни избори, во тесно водство е опозициониот блок под раководство на Јулија Тимошенко.

default

Можен победник: Јулија Тимошенко пред гласачката кутија

Опозициониот блок на Јулија Тимошенко за сега има 33,17% од гласовите, соопшти Изборната комисија утринава во Киев по пребројувањето на една третина од гласовите. Веднаш зад него со тесна разлика е Партијата на регионите на актуелниот премиер Виктор Јанукович. Третата најсилна партија е онаа на претседателот Виктор Јушченко, која според Изборната комисија за сега има околу 16% од гласовите.

Јулија Тимошенко уште во изборната ноќ најави дека има намера да влезе во коалиција со партијата на претседателот Јушченко. Таа му се обрати на Претседателот со барање да го поддржи создавањето коалиција на демократските сили во парламентот и да преземе формирање на органите на власта.

Доколку се продолжи сегашниот тренд во изборните резултати, тогаш поранешните соборци од портокаловата револуција во 2004-та Тимошенко и Јушченко би можеле да создадат нов владин сојуз. Голема е веројатноста дека при тоа би биле упатени и на трет коалиционен партнер во новата влада. Како можни партнери се сметаат Блокот на поранешниот претседател на парламентот Владимир Литвин, чија партија располага со околу 4% од гласовите и Социјалистичката партија, со нешто повеќе од 3 проценти. Преку границата од 3% за влегување во парламентот за сега се и комунистите, но партиите на про-зпадниот блок демократски сили ја исклучуваат можноста за соработка со комунистичката партија на Украина.

Експертите меѓутоа предупредуваат дека треба да се причекаат конечните резултати, бидејќи трендовите при преборјувањето можат уште многу да се сменат. Причина за тоа е силна регионална поделеност на избирачите. На западот на Украина голема поддршка уживаат про-западните сили, како партијата на водачот на опозицијата Јулија Тимошенко, додека на истокот поголема поддршка ужива про руски настроениот актуелен премиер Виктор Јанукович.