1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Во Дурбан се‘ уште нема компромис - конференцијата продолжена

На конференцијата за климата во јужноафриканскиот град Дурбан, преговарачите работат под голем притисок. Во текот на ноќта не беше постигнат компромис, па конференцијата е продолжена за еден ден.

default

Преговорите продолжуваат - гласи пораката од конференцијата за климата во Дурбан, на која се преговара околу временскиот план за донесување нов договор за климата, кој би го заменил протоколот од Кјото. Неуспех на конференцијата не се исклучува.

Германскиот министер за екологија Норберт Ретген побара крај на блокадата од страна на САД, Кина и Индија. Треба да се придвижат оние кои досега „се испречени на патот на постигнување резултат“, изјави Ретген денеска изутрина (10.12) во Дурбан.

Klimagipfel in Durban 2011

Не е исклучен неуспех на конференцијата

ЕУ, заедно со голем број земји во развој, бара јасен мандат за натамошни преговори со цел - нов обврзувачки договор за климата. САД, Кина и Индија се против правно обрзувачки договори и бараат нови заклучоци за климата дури од 2020 година.

Во предлог завршниот документ од конференцијата во Дурбан е скициран патот за новиот договор за климата, кој треба да важи за сите земји. Во него се наведува дека договорот треба да биде донесен најдоцна до 2015 година, а од државите членки на ОН се бараат повисоки цели за намалување на емисијата на штетни издувни гасови.

Автор: ЕМФ/дапд/дв

Редактор: Б. Георгиевски