1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Волерс: Името е работа на Македонија и Грција

Надминувањето на спорот со името е работа на Македонија и Грција, а САД можат да помогнат единствено со совет, изјави новиот американски амбасадор во Скопје Пол Волерс.

default

Американската амбасада во Скопје

Пол Волерс изрази поддршка за процесот околу името воден под покровителство на Обединетите Нации и посочи дека САД ќе го поддржат секое решение што ќе произлезе од разговорите меѓу Скопје и Атина.

„Очигледно е дека нашата позиција за името не се променила. Ние ја признавме Република Македонија. Сфаќаме дека е големо прашање. Ние го поддржуваме процесот воден под покровителство на Обединетите Нации и било кој резултат што ќе произлезе од разговорите меѓу Грција и Македонија, што заеднички ќе го договорат, ние ќе го поддржиме. Тоа не е прашањето ние треба да го решаваме, туку тоа е прашање што вие треба да го решавате, но ние ќе бидеме тука за помош и совет колку што можеме. Позицијата во врска со ова отсекогаш била истата“, рече тој.

Новиот американски амбасадор ги посочи областите во кои Вашингтон очекува напредок:

„Не би рекол дека има назадување на нивото на демократија. Мислам дека секогаш има прашања со кои треба да се соочите, имало отворени прашања и претходно, што значи дека ова не е нешто ново. Но, мислам дека има прашања што дефинитивно треба да бидат надминати и со кои мора да се соочите, во поглед на владеењето на правото, независноста на судството, независноста на медиумите - тоа се важни фактори во секоја демократија. Македонија не е ништо поразлична од било која друга земја и Македонија треба да се соочи со отворените прашања како секоја друга земја“, рече Волерс.

Пол Волерс е шестиот амбасадор на САД во Република Македонија. Тој е дипломат од кариера, кого американскиот Сенат на 2 август годинава едногласно го потврди како амбасадор на САД во Република Македонија. Волерс на амбасадорската функција доаѓа на местото на Филип Рикер,кој сега е заменик помошник државен секретар во Бирото за Европски и Евроазиски прашања во Стејт Департментот.

Автор: ЕМФ/миа/макфакс

Редактор: Б.Георгиевски