1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Воздржана реакција на грчките инвеститори во Македонија

Бизнисот е бизнис, а политиката е политика, велат грчките инвеститори во Македонија, воздржано реагирајќи на спорот за името, меѓу Скопје и Атина.

default

Текстилна трговија

Грчките инвеститори во Македонија со доза на воздржаност ја очекуваат политичката разрешница на спорот со името на релација Скопје - Атина. Тоа е разбирливо ако се има предвид фактот дека вкупниот обем на грчки инвестиции во Македонија достигнува речиси милијарда долари. Со 15 процентно учество во вкупните инвестиции, Грција е рангирана на второто место на листата на странски капитал во Македонија.

Телекомуникациите, нафтениот бизнис, прехрамбената индустрија, градежништвото, трговијата, финансиите, речиси не постои сектор што не е допрен од грчкиот капитал. Грчките компании во Македонија вработуваат околу 20 илјади луѓе. Освен големите групации, во Македонија се присутни и стотици помали грчки фирми, главно позиционирани на југот од земјата во текстилниот бизнис.

Ниту големите фирми ниту малите бизниси не сакаат да веруваат дека политичкиот спор може да им го попречи работењето. Сметаат дека на нивните инвестиции во Македонија можат повеќе да влијаат економските отколку политичките проблеми.