1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Видливи и невидливи затвори

Кинескиот автор во егзил Лиао Јиву организираше изложба во Берлин на која во центарот на вниманието се прашањата за човековите права и слободата на изразување во Кина

Слики од Тибет, од времето на кинеската културна револуција. Сведоштва за насилството и уништувањето, со кои Мао се обидуваше да ја збрише илјада годишната традиција. Сега за првпат овие фотографии можат да се видат на Западот. Впечатлива сцена со кукли изработена од Лиу Шија, сопругата на затворениот добитник на Нобеловата награда за мир, Лиу Шијаобо, која и самата е во домашен притвор.

Приказни кои треба да исчезнат, како и уметници кои треба да се замолкнат, како писателот Лиао Јиву. Тој минал четири години в затвор, таму бил мачен, неговите книги се забранети, а ракописите му се уништени. Со оваа изложба тој сака да испрати политичка порака.

Гледај видео 01:44

Видливи и невидливи затвори - видео прилог за изложбата!

„Сакам да покажам каква е навистина состојбата во Кина. Уметниците се во опасност, нема слобода. Кога ги набљудувате нивните дела, треба истовремено да се прашате - зошто толку уметници страдаат под репресија. И, без оглед на економските интереси, треба да се прашате, колкава е вредноста на еден живот во Кина“, вели Лиао Јиву.

Liu Xiaobo

Лиу Шијаобо

Една од фотографиите потсетува на една од најголемите катастрофи кои се случиле во Кина. При пукањето на една брана во 1975 година, водата во смрт го одведе населението на цела една покраина. Колку луѓе притоа ги загубиле животите, до денес е државна тајна.

Да се посведочи, да се потсети, тоа е целта на изложбата. Тоа го прави и уметникот Аи Веи Веи. Тој на жртвите им дава имиња: деца, кои ги загубиле животите при голем земјотрес во една полураспадната училишна зграда.

Аудио и видео прилози на оваа тема