1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Вештачки дождови против смогот и пожарите

Со денови воздухот во Сингапур е драматично лош. Причина е големиот пожар на плантажите на Суматра. Во меѓувреме се води истрага против 14 концерни, поради сомневање за подметнување пожар.

Големите пожари на плантажите за палмово масло на индонезискиот остров Суматра, според податоците на меѓународната организација за заштита на природата Гринпис, се одговорни за драматично лошиот квалитет на воздухот во соседен Сингапур.

Шумските пожари годинава предизвикаа рекордно загадување на воздухот во Сингапур. Загадувањето се мери со ПСИ вредност. Кога ПСИ има вредност над 100, тоа значи нездрав воздух, над 300 значи опасност по здравјето. Индексот за смог, според владини извори, таму во меѓувреме ја преминал критичната граница од 400, што за болните и постарите луѓе може да биде опасно по живот. До денеска вредноста се намали на, и натаму опасните, 323.

Singapore Luftverschmutzung durch Brände in Indonesien

Кога ПСИ e над 300 значи опасност по здравјето

Индонезија во меѓувреме започна голема акција на гаснење на големите шумски пожари на островот Суматра. Притоа се употребуваат и хемикалии кои се прскаат во облаците, за да се предизвика вештачки дожд. Пожарите со денови предизвикуваат облаци чад од огромна големина и го загадуваат воздухот на Суматра, во Малезија и Сингапур. Здравствените власти ги предупредуваат луѓето да не излегуваат на отворено.

Заштитниците на животната средина се сомневаат дека пожарите биле намерно подметнати од земјоделците и сопствениците на плантажи, за нивните полиња да ги подготват за насади. Поради сомневање за подметнување пожар индонезиските власти започнаа истрага против 14 фирми.