1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Вестервеле и‘ вети поддршка на Грција

Шефот на германската дипломатија побара забрзување на реформите од Атина, и формирање на европска рејтинг агенција. Грција и Европа припаѓаат една на друга, порача Гидо Вестервеле.

default

Министерот за надворешни работи на Германија Вестервеле и неговиот грчки колега Димас

Германскиот министер за надворешни работи Гидо Вестервеле изјави од Атина дека е време Европа да создаде независна агенција за проценка на кредитните рејтинзи и да ги смири берзите кои се потресени поради постојаните шпекулации. Вестервеле оцени дека е важно да им се пружи шанса на договорите во ЕУ да профункционираат и дека тоа е единствен реалистичен начин за да се врати довербата на пазарите.

Тој изрази задоволство што на состаноците со грчкиот премиер Лукас Пападимос и лидерот на десниот центар Андонис Самарас била постигната согласност за неопходноста од продолжување на реформите во Грција.

„Проблемите ќе ги решиме заеднички. Грција и Европа си припаѓаат една на друга“, порача Вестервеле.

„Заложбата на Германија да ја поддржи Грција и да работи заедно со нас додека не излеземе од кризата е многу значајна“, одговори премиерот Пападимос.

Вестервеле побарал од грчкиот државен врв да го забрза исполнувањето на фискалните услови поставени од ЕУ и ММФ, но изрази подготвеност и за дополнителна помош од неговата земја.

Автор: БГ/ АТ/ миа

Редактор: Ж. Ацеска