1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Вестервеле: Гадафи да положи сметка на суд

Германија го повика либискиот лидер Моамер Гадафи да се повлече, откако бунтовниците симболично го зазедоа срцето на главниот либиски град Триполи.

default

Германскиот министер за надворешни работи бара апсење и судење на Гадафи

Ставот на официјален Берлин е дека секој час што Гадафи останува на власт „чини човечки животи“. Министерот за надворешни работи, Гидо Вестервеле, изјави дека либискиот лидер треба да се уапси и суди.

„Треба да положи сметка пред суд“, рече Вестервеле во Берлин. „Времето на диктаторот истекува“, додаде министерот. Тој додаде дека Гадафи бил суров деспот, кој водел војна против сопствениот народ. Судењето мора да се спроведе, без разлика дали во Либија или пред меѓународен суд, смета Вестервеле. Но, тој има порака и до бунтовниците, од кои бара да се движат кон демократија, а за тоа нуди и германска помош.

Германија смета дека нема потреба од странски мисии во Либија

Libyen Bengasi Menschen feiern Nachricht Aufstand Tripolis

Официјален Берлин бара од бунтовниците да се движат кон демократија

Министерот за одбрана, Томас де Мезие, во меѓувреме изјави дека смета оти странски трупи нема да бидат потребни за одржување на мирот во Либија.

„Сигурни сме дека во пост-Гадафи ерата, земјата ќе ја задржи стабилната структура, како што направија останатите арапски земји. Тоа се случи во Тунис и Египет“, рече министерот за одбрана во интервју објавено во весникот „Рајнишер Пост“.

Портпаролот на владата, Штефан Зајберт на редовниот брифинг за новинарите кажа дека е јасно оти Либија ја достигна „точката на пресврт“.

„Се‘ укажува на фактот дека крајот на режимот на Гадафи е на дофат“, рече Зајберт, додавајќи дека лидерот-ветеран ја загубил целата своја легитимност.

Thomas de Maiziere in Israel

Германскиот министер за одбрана смета дека Либијците сами можат да се грижат за редот во земјата

„Но, очигледно дека борбите продолжуваат, а продолжува да тече и крв. Затоа, германската влада силно кажува дека полковникот Гадафи мора да се предаде. Секој час што бесчувствително се држи на власт, која повеќе и не постои, чини човечки животи и води кон понатамошно тешко уништување“, вели портпаролот на германската влада, Зајберт.

Тој вели дека Берлин е подготвен да го помогне либискиот процес на „политичка, материјална и секако морална обнова“.

Германија во март се воздржа од гласање во Советот за безбедност на ОН, кој дозволи мисија во Либија за заштита на цивилите и примени воведување зона без летови. Таа беше единствената членка на ЕУ и НАТО што го направи тоа и предизвика критики од страна на клучните сојузници.

Автор: АМ/БГ/афп/дпа

Редактор: Е.М.Фиданоска

Поврзана содржина