1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Брисел очекува разумност во Скопје

Европската комисија се надева на позитивно решение на кризата во владината коалиција во Македонија. Од Брисел посочуваат дека се надеваат оти политичките лидери во Македонија ќе најдат решение за ситуацијата.

Европската комисија одблиску го следи развојот на политичките настани во Македонија и судирот меѓу коалициските партнери од власта што може да доведе до нови предвремени избори во земјата. Од канцеларијата на комесарот за проширување на Европската унија, Штефан Филе, посочуваат дека се надеваат оти политичките лидери во Македонија ќе најдат решение за ситуацијата, посочувајќи ги последните смирени тонови од владините партнери како позитивен сигнал.

„Се разбира дека се интересираме и следиме се‘ што се случува во Македонија“, одговори Мајкл Ман, шеф на прес-службата на ЕК на прашањето на дописникот на МИА во врска со тоа како Комисијата ја оценува вжештената политичка ситуација во државата.

Од канцеларијата на Филе, пак, потврдија дека идната недела еврокомесарот ќе се сретне со претседателот Ѓорге Иванов во Брисел и дека една од работите за која ќе дискутираат, со сигурност ќе биде и кризата во владината коалиција и можноста од нови предвремени избори во Македонија.

„Сепак, се надеваме дека политичките лидери ќе најдат позитивно решение на проблемот, што е во интерес на народот и евроинтегративните процеси на земјата“, посочија од кабинетот на Филе.