1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Борусија и Реал Мадрид во осминафиналето

Германскиот првак Борусија Дортмунд и шпанскиот Реал Мадрид го обезбедија својот пласман во осминафиналето од Лигата на шампионите, на едно коло пред крајот од групната фаза.

На гостински терен во Амстердам, Борусија го совлада Ајакс со 4:1 и го обезбеди првото место на табелата пред Реал Мадрид со три бода повеќе.

Головите за германскиот клуб ги постигнаа Марко Ројс во осмата, односно Марио Геце во 36-та минута, а Роберт Левандовски беше двоен стрелец во 41-та и 67-та минута од натпреварот. Кај домаќините, во завршницата од пресметката прецизен беше Дани Хесен.

Манчестер Сити во пресметката со Реал, на домашен терен одигра нерешено 1:1 и се збогуваше од најелитното фудбалско натпреварување. Бензема беше заслужен за голот и водството на Мадрид, а израмнувањето и бодот на англискиот тим го донесе Агуеро од пенал.

По вчерашните пресметки, покрај Борусија Дортмунд и Реал Мадрид, учество меѓу 16-те најдобри обезбедија и германски Шалке, кој на домашен терен со 1:0 славеше над Олимпијакос, Арсенал, Милан и ПСЖ. Во осминафиналната фаза, претходно, веќе беа пласирани Порто и Малага.