1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Европа

Борба против поплавите во Европа

Во многу места во Европа летото наместо топлина донесе поплави. Не е поинаку ниту во Германија - предупредувањето од водените маси останува. Најпогодени се покраините Баварија и Тирингија.

Непрекинатите дождови на метеоролошкиот почеток на летото предизвикуваат и натаму надојдување на помалите реки и нивно излевање од коритата. Од многу метеоролошки станици се јавува за врнежи во последните 24 часа еднакви на половината од просекот во цел месец мај. Според метеоролозите, ниту во следните денови не се очекува промена на временските услови.

Deutschland Hochwasser Dauerregen Bayern

Баварија е меѓу најпогодените покраини од поплавите

Поројните дождови во јужниот и источниот дел од Германија го зголемија нивото на реките, по што и властите почнаа со преземање мерки за заштита од надојдени реки. Нивото на водите на Рајна, Дунав и Некар постојано се зголемува, а има закана и за поплави од помали реки.

Силниот дожд и поплавите предизвикуваат и низа незгоди. Блокирани се за сообраќај повеќе магистрални патишта и делови од автопатишта.

Властите во Пасау се подготвуваат за значително зголемување на нивото на Дунав, чии води до утре се очекува да бидат на ниво двојно поголемо од нормалното. Во блискиот град Борна е издадено предупредување за природна непогода. Австрија, Чешка и Швајцарија исто така засилуваат напори за заштита од надојдените реки.