Бискупите дадоа дозвола за „пилула потоа“ | Свет | DW | 21.02.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Бискупите дадоа дозвола за „пилула потоа“

Католичките болници во Германија во иднина ќе смеат да препишат „пилула за потоа“, заклучено е на Германската бискупска конференција. Сепак, пилулата ќе се дава само во одредени случаи.

На крајот на својата пролетна конференција, германските бискупи се зафатија уште еднаш со исклучително контроверзната тема за тоа - дали лекарите во католичките болници смеат да препишуваат или не таканаречени „пилули за ден потоа“. Бискупите дозволија препишување на вакви таблети во случаи кога тие треба да спречат бременост, но не и во случаи кога таблетите имаат „абортивно дејство“. Лекови кои предизвикуваат смрт на ембриони не смеат да се употребуваат, соопштено е по Бискупската конференцијата.

На ваквата одлука и‘ претходеше многу жестока дебата во германската јавност предизвикана од случајот на млада силувана девојка во Келн, која била одбиена од страна на две католички болници, односно  не добила „пилула за потоа“.