1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Библиотека достапна во целиот свет

Видео и аудио-записи, книги и карти стари стотици години - од денеска овие образовни материјали може да се најдат во интернет библиотеката на УНЕСКО. Проектот е дело на партнерска соработка меѓу повеќе организации.

default

Книгите добиваат нова форма!

Организацијата за образование на ОН, УНЕСКО, пушти во употреба интернет библиотека, достапна во целиот свет. На интернет страницата, УНЕСКО нуди избор на книги кои имаат историско и културно значење, од различни епохи. Освен ова, може да се најдат и манускрипти, слики, филмови и аудио-записи од библиотеките и архивите од Северна Америка до Австралија и Океанија, од Источна Азија, преку Европа до Африка и Латинска Америка. Целта на оваа библиотека, која содржините ги нуди бесплатно, е да се постигне поголемо разбирање меѓу народите во светот како и наставниците, учениците, студентите и целата јавност да имаат пристап до интересни образовни содржини.

Проектот е дело на 32 партнерски организации под раководство на библиотеката на американскиот конгрес. Засега не е воспоставено партнерство со некоја германска библиотека. Според германските претставници во Меѓународниот сојуз на библиотеки, Германија заостанува при дигитализирањето на книгите и документите. Инаку, самиот проект е на почеток и во меѓународни рамки. Во моментов, на интернет страницата www.wdl.org има објавено само околу илјада дела. Иако германскиот не е официјален јазик, во онлајн библиотеката може да се најдат повеќе германски дела. Меѓу нив „Картата на иселениците и патоказ кон Северна Америка“ од 1853 година и книгата „Германија и нејзините колонии“ од 1902 година. Книгите и образовните материјали се достапни на шест јазици, воедно официјални јазици на ОН: арапски, кинески, англиски, француски, руски и шпански.

Автор: АТ/ЖА/афп

Редактор: Елизабета Милошевска Фиданоска

WWW-линкови