1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Бајер понижен од Барселона

Лионел Меси постигна пет гола во победата на Барселона. Апоел на Иван Тричковски меѓу осумте најдобри во Европа по пенал-победата над Лион.

default

Лионел Меси

Лионел Меси синоќа (07.03) уште еднаш на дело ја покажа својата неспорна класа. Најдобриот светски фудбалер постигна пет гола во реванш-дуелот од осминафиналето на Лигата на шампионите против германскиот Бајер Леверкузен. Конечните 7:1 беа највисока победа на Барселона во Лигата на шампионите и најтешкиот пораз на некогашниот финалист Бајер. Уште два гола за европскиот првак постигна Тељо, а почесниот погодок за Бајер го постигна резервистот Белараби во судиското продолжение.

Тимот на македонскиот фудбалски репрезентативец Иван Тричковски - АПОЕЛ, направи подвиг откако успеа да го елиминира фаворитот Олимпик Лион во осминафиналето и со тоа избори пласман во четвртфиналната фаза од Лигата на шампионите.

Fussball Champions League APOEL Nikosia - Olympique Lyon

Фудбалерите на Апоел

Во Никозија синоќа на реванш осминафиналниот дуел АПОЕЛ преку Густаво Мандука дојде до водство од 1:0 што беше идентичен резултат по 90-те минути како и на првиот дуел. И по дополнителните 30 минути немаше победник , а во серијата пенали голманот на домашните Дионисис Киотис одбрани два пенала и АПОЕЛ со 4:3 славеше против фаворитот. Во серијата пенали прецизен беше и Иван Тричковски, кој во игра влезе во 74.минута.

Пласман во четвртфиналето досега имаат обезбедено Милан, Бенфика, АПОЕЛ и Барселона. Другите четири реванш осминафинални натпревари ќе се одиграат на 13 и 14 март: Бајерн Минхен– Базел (0:1 прв натпревар), Интер – Олимпик Марсеј (0:1), Челзи – Наполи (1:3) и Реал Мадрид – ЦСКА Москва (1:1).

Автор: БГ/миа

Редактор: Е.М. Фиданоска