1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Бајерн не го дава Хенес и покрај даночниот скандал

Претседателот на фудбалскиот гигант од Минхен останува на функцијата и покрај аферата со даночнотон затајување. Така одлучи Надзорниот одбор на клубот. Државното обвинителство ја продолжува истрагата против Хенес

Со големо исчекување и внимание, медиумите ја очекуваа седницата на Надзорниот одбор, но таа заврши без сензации. Во Бајерн и натаму имаат доверба во својот претседател- барем сега засега.

Хенес понуди мирување на функцијата додека властите не донесат одлука за неговото даночно затајување. Но, неговите колеги во НО засега не гледаат причина за тоа, иако најавија дека ќе го следат развојот на состојбата. Доколку против 61. годишниот Хенес биде подигнато обвинение, тој во секој случај повеќе нема да може да ја извршува функцијата.

„Доколку добијам впечаток дека му штетам на клубот ќе се повлечам. Но, во ниту еден случај нема да поднесам оставка пред финалето во Лигата на Шампионите“, изјави Хенес за весникот „Ди Цајт“. Финалето меѓу Бајерн и Борусија се игра на 25 мај во Лондон.

Спонзорите против Хенес

Неделникот „Шпигл“ известува дека претставниците на големите спонзори во Надзорниот одбор на клубот планираат да го натераат Хенес да поднесе оставка. Но, доколку истрагата против него заврши без подигнување обвинение, тој би се вратил на функцијата. Тоа би се случило доколку државното обвинителство ја прифати пријавата која самиот Хенес ја поднесе и би се задоволило со дополнително платениот данок. Хенес во меѓувреме дополнително платил околу 3,2 милиони евра данок за парите кои ги заработил

Angela Merkel und Uli Höneß

Ули Хенес и Ангела Меркел

со тргување на берза и ги сокрил во Швајцарија за да не плати данок.

Во Надзорниот одбор на Бајерн се наоѓаат шефовите на големите германски фирми: Херберт Хајнер (Адидас), Мартин Винтеркорн (Фолксваген), Руперт Штадлер (Ауди) и Тимотеус Хетгес (Дојче Телеком). Во телото уште седат и банкарскиот менаџер Дитер Рампл, издавачот на неделникот Фокус Хелмут Маркворт, поранешниот баварски премиер Едмунд Штојбер, како и Карл Хопфнер.

Токму Хопфнер до крајот на минатата година беше „министер за финансии“ на акционерското друштво Бајерн. Тој во моментов е прв потпретседател на клубот и преку акционерското друштво контролира над 80 отсто од капиталот на компанијата. Тој, според пишувањата во медиумите, се смета за најприкладна личност за наследник на Хенес, доколку тој се повлече од функцијата.