1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Бајерн на седмо небо

Екипите на Олимпик Марсеј и Бајерн Минхен изборија пласман во четвртфиналето на Лигата на шампиони, откако ги елиминираа ривалите, Интер односно Базел.

default

Томас Милер

Во Минхен, Бајерн не му дозволи никакво изненадување на швајцарскиот првак Базел. На првиот гол се чекаше неполни 11 минути, а по погодокот на Робен, Бајерн беше незапирлив. До крајот на полувремето со головите на Милер и Гомез беше надмината негативата од еден гол од првиот дуел. До крајот на мечот, доминација на Бајерн изразена преку, вкупно, 4-те погодоци на Гомез и вториот на Робен за конечни 7:0.

Во вториот дуел, Интер во Милано забележа пирова победа од 2:1 над францускиот Олимпик Марсеј. Во израмнет меч, Интер дојде во водство од 1:0 преку Милито во 75-та минута. Погодокот ги водеше двата тима во продолженија, имајќи предвид дека и првиот меч заврши со истиот резултат. Но во судиското продолжение, Брандао искористи кикс на одбраната на домаќините и постигна „златен“ гол за Французите. До крајот, Пацини од пенал го постави конечниот резултат.

Вечерва ќе биде комплетирана листата на четвртфиналисти, откако реваншите ќе ги одиграат Реал и ЦСКА во Мадрид, односно Челзи и Наполи во Лондон. Во првите дуели, Наполи оствари предност од 3:1, а рускиот и шпанскиот тим ремизираа 1:1.

Претходно пласман меѓу најдобрите осум изборија Милан, Барселона, АПОЕЛ и Бенфика.

Автор: БГ/сн/нп

Редактор: С. Недевски