1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Басеску се врати на должноста

Два месеца по суспендирањето, романскиот претседател Трајан Басеску денеска (28.08.2012) повторно ја презеде претседателската функција. Меѓу Басеску и премиерот Виктор Понта со месеци се води битка за моќ.

Трајан Басеску денеска се врати во претседателската палата во Романија, откако беше отстранет од должност, и сега ќе може да го продолжи мандатот освоен на претседателските избори во 2009. година.

Враќањето на Басеску на претседателското место во Романија доаѓа откако вчера пред Парламентот беше соопштена одлуката на Уставниот суд, со која резултатите од референдумот за отстранување од функцијата на претседателот Басеску беа прогласени за невалидни.

Пред пратениците и сенаторите беа претставени резултатите од спроведениот на 29. јули референдум за отстранување од функцијата на Претседателот на Романија Трајан Басеску. Централната изборна комисија објави дека излезноста на референдумот била нешто повеќе од 46 проценти, а околу 88 проценти од гласачите се изјасниле за отстранување на Басеску. Според законските одредби, резултатите од референдумот се валидни ако на него учествуваат минимум 50 проценти плус еден од вкупниот број лица со право на глас.

На 21. август Уставниот суд на Романија објави дека резултатите од референдумот се невалидни, што значи дека Трајан Басеску ќе се врати на претседателската функција.