1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Барозо: Што поскоро да се реши спорот за името

Европската унија го засилува мониторингот врз реализацијата на македонската евроагенда, со редовни полугодишни конференции на највисоко ниво, во Скопје и Брисел како и годишно заседание за економските реформи.

default

Жозе Мануел Барозо

Според денешниот договор од Охрид меѓу претседателот на Европската Комисија , Жозе Мануел Барозо и македонскиот премиер Никола Груевски најавените поугодишни средби Брисел- Скопје ќе се однесуваат на постигнатите реформски зафати во модернизацијата на општеството, економските реформи, културата на политичкиот дијалог, слободата на новинарското изразување, промените во правец на независно судство во Македонија.

„ Јас тоа не би го нарекол скрининг, туку подигање на нивото на највисоко ниво и оценување на модернизација на македонското општество и примена на сугестиите од европскиот дневен ред“, рече Жозе Мануел Барозо.

Барозо најави непристрасен извештај за Македонија

Ohrid 2

Охрид


Ова во Охрид го договориле шефот на македонската влада и претседателот на ЕК. Тоа не е класичен скрининг, што ЕУ го практикува за кандидати кои непокажуваат динамични и континуирани промени, но политичарите од Брисел повторија дека евроагендата треба да се врати како владин приоритет.

„ Врз нашите сугестии Барозо предложи да се воспостави пристапен дијалог, што ќе овозможи низ дветте годишни конференции, одржлив механизам за размена на мислења и мониторинг на политичките критериуми“, одговори Груевски.

Двоецот од Брисел, Жозе Барозо и Штефан Филе, имаа одвоена средба со Никола Груевски, по што високиот преставник на Унијата беше позитивно расположен кон постигнатиот напредок, најави непристрасен есенски извештај за сосотојбите во Македонија, но одбегна да пецизира дали до крајот на годината е возможно Македонија да ги започне претпристапните преговори.

Спорот за името да се реши што поскоро

Претседателот на ЕК не пропушти да потсети дека 2011 година се две децении од македонската самосотојност и една декада од Охридскиот договор и тоа е голем влог на Македонија која е европска земја.„Ние сме дојдени да ја потврдиме нашата определба Балканот да биде дел од Унијата и дека нема замор од проширувањето“.

„ ЕУ посветено да продолжи со процесот на проширување, што никогаѓ не било поважно за Балканот. На регионот му треба активна политика, базирана на заслуги и строгите правила на игра“, кажа македонскиот премиер.

Решавањето на спорот со името беше неизбежна тема, со сугестија од Барозо, “што поскоро, не предоцна, зашто таа разврска е подобра перпектива“.

„Спорот за името ги загрозува нашите напори за остварување на националните интереси. Целта е да изнајдеме одржливо решение што ќе биде прифатливо за дветте земји, со почитување на вредностите на ЕУ и да не наштети на лингвистичките национални и културни белези на самоиндентификација, рече во Охрид, Груевски.

Барозо пак не говореше за симнувањето на придавката македонски јазик од извештајот на ЕП, а како по правило, ниту еднаш не ја спомена земјата со нејзиното уставно име.

Барозо и претседателот Иванов говореа и за европските аспирации на Балканот и пред поголем група гости, универзитетски професори и други јавни личности кои специјално дојдоа во Охрид, каде има исклучително многу новинарски екипи. Премеирот Груевски, по критиките за влијанијата врз медиумите и притисокот врз уредувачките политики кај одделни весници, понуди претставници од Брисел, неколку дена да ги скенираат телевизиите и печатот и самите да донесат одлука дали има нивна слобода или ограничување.

Автор: Александар Чомовски

Редактор: Симе Недевски

DW.COM